بقلم .. نيفين إبراهيم
سؤال يهم كل فتاه أو سيده في الحب
وماذا تريد أن تكون …..
عن نفسي عايزة أكون الإختيار الأول ف حياة من أحب
مازلت أفكر كتير ف الجملة دي هو يعني ايه إختيار أول ف حياة حد !
يعني حد بيفكر فيكـ قبل كل حاجة وكل حد ف حياته حتى نفسه
حد ميعرفش ينام وانت زعلان حتى لو الزعل مش منه
حد لو قدامه لقمة واحدة وهو جعان هيسيبهالكـ وهو مبسوط
حد بيشوفكـ دايمًا مهما كان شكلكـ أحلى واحد ف الدنيا
حد بيستحمل غضبكـ وتعبكـ وضيقتكـ
حد يبقى كل همه ف الحياة إنه يشوفكـ مرتاح
حد ما يملش ولا يزهق منكـ مهما طال بيكم العمر
حد يشوف روحكـ قبل جسمكـ ، وقلبكـ قبل ملامحكـ
حد تبقى مالى قلبه وعينه وكيانه وميشوفش غيركـ
حد ميحطكش في مقارنة مع شخص تاني مهما كان أحسن
حد يفكر في كل كلمة ممكن تضايقكـ أو توجعكـ ومينطقهاش
حد ياخد بإيدكـ يرفعكـ لفوق
حد يسند ضهركـ فَمتخافش
حد يطبطب وميوجعش
حد يديلكـ من غير ما يستنى مقابل ..
وحاجات تانية كتير أوي ، بس الأهم من ده كله ..
إنه حد لو مقابلتوش ف حياتكـ ” تبقى مُت ناقص حُضن”…!
