بعد ان اعلن البرلمان تفاصيل التعديلات الدستورية في جلسته العامة الاحد الفائت الثالث من فبراير ٢٠١٩ برئاسة الدكتور علي عبدالعال وتم استعراض الطلب المقدم من أكثر من خُمس عدد أعضاء المجلس بشأن تعديل بعض مواد الدستور، وذلك استنادًا إلى أحكام المادة 226 من الدستور، والمادة 140 من اللائحة الداخلية للمجلس.
واكد ان الاختبار الواقعي لبعض النصوص الدستورية التى استحدثها دستور 2014 تحتاج إلى بعض المراجعة وليس في ذلك عيب أو انتقاص.
وقام خلال الجلسة العامة باستعراض المبادئ التي يقوم عليها التعديل ومنها دعم المرأة ودعم تمثيل الشباب،والمسيحيين، والأشخاص ذوي الإعاقة، والمصريين المقيمين في الخارج بنصوص ثابتة وراسخة لا تقبل التأويل و إنشاء غرفة ثانية للبرلمان “مجلس الشيوخ” توسع قاعدة التمثيل وتضمن للجميع وجود قدم فى المجالس النيابية.
ومعالجة القصور الشديد فى تحديد مدة تولى رئاسة الجمهورية؛ لتصبح ست سنوات بدلاً من أربع سنوات، والتي أثبت واقع الحال وواقع المنطقة وظروف البلاد عدم مناسبتها تماماً تم استحداث منصب نائب رئيس الجمهورية لمعاونة السيد الرئيس فى مهامه و إجراء بعض الإصلاحات فى نظام اختيار رؤساء الجهات والهيئات القضائية، والنائب العام، ورئيس المحكمة الدستورية العليا.
وان الواقع العملي أظهر أن للجهات والهيئات القضائية شئوناً مشتركة يتعين أن يقوم عليها مجلس تنسيقى يرأسه رئيس الجمهورية بوصفه رئيساً للبلاد.
وأن القوات المسلحة هي الحامية والضامنة للديمقراطية ومدنية الدولة وهذا واضح وظاهر من انحيازات هذه القوات التى دائماً ما وقفت بجوار الشعب وانحازت لاختياراته، وبالتالى يتعين إعادة النظر فى صياغة هذه المهمة بما يعكس هذا الفهم، وهذا يقتضى إعادة النظر فى طريقة تعيين وزير الدفاع وبعد فتح باب
النقاش لجميع الأعضاء أكدوا جميعاً أننا نشهد اليوم بداية مرحلة جديدة من العمل الوطنى.. وأن مرحلة الانتقال من المرحلة الانتقالية إلى مرحلة استقرار الدولة قد بدأت.. وأن هذه المرحلة الجديدة تحتاج إلى تعديلات دستورية تدعم الإصلاح السياسى.
اقزام الارهابية
جاءت ردود افعال من اطياف الشعب بمباركة هذه الخطوة الا ان هذا نزل كالصاعقة علي اقزام جماعة الاخوان الارهابية ومن هم علي شاكلتهم الذين اخذوا يدسون سمومهم في اذهان البسطاء واللعب بأفكارهم بأن السيسي ييظل علي قلوبكم 30 سنه خليكوا كده جعانين والسيسي عمال يبني في حيطان واسكان ٱل ايه في العشوائيات وانتو مش لاقيين.. الا ان البسطاء اصبحو اكثر وعيا وفهموا تلك الالاعيب الهدامه من الشحن السلبي للشارع…
مرحبين بالسيسي ليس ثلاتين سنه بل يدعون له بكمان خمسين سنه .. مش تطبيل انما احساس بما يقوم به الرئيس السيسي..
بالعقل
خلينا نتكلم بالعقل من غير نفاق مصر بجد بتتقدم وبتطلع لقدام وبخطوات سريعة واللى مش شايف كدة يبقى أعمى ..الدولة المصرية والحكومة والرئيس مصممين على القضاء تماما على العشوائيات فيه ألاف من الشقق المحترمة المتشطبة ومحاطة بحدائق ومستشفيات وأمن وخدمات بتتبنى عشان الناس الغلابة اللى كانوا ساكنين فى عشش صفيح وبيوت غير أمنة وحمامات فى الشارع مشتركة وحياة غير آدمية وكل ده بيتغير وبيتسلم لهم الشقق بفرش جديد وأجهزة كهربائية جديدة بدون أى مقابل مادى وده بيحصل وحصل فعلا فى الأسمرات و بشاير الخير وروضة السيدة ومناطق كتير فى مصر .. ده غير تطوير وتنضيف مناطق ضخمة فى مصر كانت مرتع للبلطجة والعشوائية والحياة الغير أدمية اللى كنا بنتعاير بيها سنين طويلة فى كل مكان برة مصر …
الدولة المصرية بتبنى بنية تحتية حديثة ومتطورة وفى كل شارع فى مصر بنلاقى مشروع شغال زى شبكة مترو الانفاق الجديدة والكبارى والانفاق والطرق والمحاور والدائرى الاوسطى والاقليمى ومدن صناعية ضخمة ومتطورة ومنظمة تنظيم كامل فى كامل محافظات الجمهورية وخاصة فى المثلث الذهبى بالصعيد وشرق القناة ودمياط وبورسعيد والعاصمة الادارية الجديدة اللى بتتبنى على نظام الجيل الخامس من المدن …
ولاول مرة بمصر بتتبنى ناطحات سحاب زى الدول العظمى …
الدولة كمان بتحافظ على الأمن والأمان للمواطنين وبتحارب الإرهاب حرب شرسة وبيقدم رجالتنا من الشرطة والجيش تضحيات عظيمة واحنا بنتحارب من دول كتير سواء بشكل مباشر او غير مباشر ايران وتركيا واسرائيل وبرعاية امريكية واروبية …
الدولة والحكومة والرئيس شايلين هم كبير ومشاكل وخراب وتسيب وفساد متعششين فى الوطن بقالهم أكتر من ٤٠ سنة وزاد عليهم ثورتين ومظاهرات واحتجاجات وتعطيل للعمل وتوقف سياحة طوال ٤ سنوات من ٢٠١١ ل ٢٠١٤ ..
الدولة والحكومة بتعمل أضخم حملة لعلاج المصريين من الفيروس اللعين فيروس c وعمل كشف شامل للمصريين على الضغط والسكر والنظر والانيميا والسمنة وغيرها من الامراض … وبقى فيه علاج على نفقة الدولة وتم علاج اكتر من ٧٥ الف حالة كانت محتاجة عمليات جراحية مجانا وده للامانة عمره ما كان بيحصل فى مصر وكان الواحد زمان عشان يعمل عملية على نفقة الدولة لازم يجيب موافقة من رئيس الجمهورية ولا وزير وبواسطة وكلنا عارفين الكلام ده …
الدولة دلوقت بجد بتحارب الفساد وبقينا نشوف سقوط وزراء ومحافظين وقضاة وظباط واطباء فاسدين وبيتم الاعلان عنهم ومحاكمتهم ومافيش تستر على حد ..
الدولة ووزارة التموين والجيش والشرطة بيوفروا مراكز ومجمعات وسيارات فى كل مكان للسلع الاساسية باسعار مخفضة للمواطنين واظن كلنا شايفين ده وعارفين …
الغلاء اللى بنشتكى منه موجود فى كل العالم بل على العكس مصر لحد دلوقت اسعارها ارخص بكتير من دول العالم والسبب الرئيسى ليه هو تحرير سعر صرف الجنيه وده كان غصب عننا لازم يحصل مش عشان قرض صندوق النقد وغيره لا خالص .. مصر ماكانش فيها دولارات وكان الدولار فى السوق السوداء ليه اكتر من سعر ومافيش سياحة ولا بييجى تحويلات من المصريين العاملين فى الخارج بسبب تضارب سعر الصرف وخوفهم على فلوسهم وبقى فيه عصابات سواء من الاخوان او الفاسدين بيهربوا الدولارات ويلموها من السوق وكانت مصر مهددة باعلان افلاسها … وعشان كدة كنا مضطرين للقرار الصعب ده …
وبعدها الغاء الدعم تدريجيا عشان ننمو اقتصاديا ونقدر نعمل اصلاح ..
ودلوقت بيروح الدعم للمستحقين سواء دعم نقدى لتكافل وكرامة او البطاقات التموينية اللى هتزيد قيمتهم كمان السنة دى باذن الله … والدولة عمالة تجذب استثمارات وتعدل قوانين الاستثمار وتطور البنية التحتية عشان تجذب استثمارات وييجى مستثمرين للبلد والناس تشتغل وتكسب وعشان كدة بيتبنى مطارات حديدة ومحطات كهرباء ضخمة ومحطات مياه وغيرها من الخدمات اللى تجعل من مصر دولة متطورة وحديثة وده خلى روسيا والصين والهند والامارات يبدأو فى الاتفاق مع مصر على بناء وتجهيز مناطق صناعية ضخمة ليهم فى مصر وغيرهم حاليا بيتفق على ده …
بنشوف رئيس ولأول مرة بيجتمع بالناس والشباب بيهتم بذوى الهمم والاحتياجات الخاصة وبيهتم بالمرأة وبيجعل لها دور كبير فى مجال السياسة والعمل …
وكل ده واحنا بنتحارب اعلاميا ودوليا من الاخوان وتنظيمهم والدول اللى بتمولهم …
ياجماعة والله انا مش بطبل انا بقول حقيقة وكل ده انتوا عارفينه وشايفينه …
انا بفرح وبكون فى قمةالسعادة لما بشوف المشروعات دى كلها وهى بتتعمل وبتتفتح وباذن الله الخير قادم لمصر والمصريين قريب جدا
وتحيا مصر وشعب مصر وجيش مصر ورئيس مصر … وان كان السيسي علي قلوب الناس ٣٠ ياخونه مني كمان ٢٠.
