بلأمس القريب احتفلت الأمه الإسلاميه بمولد الهادي الحبيب ..قول اللهم صل عليه …ومن ساعتها وعيني شايفه عيله جوه بيت كبير…كلهم كانوا عايشين وبالمحبه والسلام مدفيين. جد طيب بنابيت لملم ولاده جوه حضنه فيه …خالي بعياله وخالتي الكبيره وولادها منهم المتجوزين ومعاها عايشين واللي لسه في الأزهر دارسين. والخاله الصغيره بولادها اللي من سني جوه حوش البيت بنلعب علي بال امي وخالاتي ويا تيتا يجهزولنا عشوه حلوه…بط جايز او حمام ولا من العشه فرخه رومي فوق سطوحنا كنا بنلاعيبها بمناديل لونها احمر لجل ماتجري ورانا وصوت ضحكنا يملي كل الكون فرح ….بعد العشا واللذي منه من حلاوه حمصيه وصحن مهلبيه صنعته ستي ليه من عروستي السكريه …جدي كان يلمنا ويحكي سيرة حبيبنا المصطفي ..اخلاقه وصفاته وحلمه ويا زوجاته وصبره علي العدو قبل الصديق ..صلوا عليه لجل ما لسانكم يطيب بالصلاه علي الحبيب…..كان يتم كلامه بركعتين هو الإمام واحنا الجماعه مصفوفين كان بيدعي واحنا بنردد آمين كان دعائه يملي بيتنا باليقين إن مولانا حارسنا وإن بيتنا بيت كريم تملي اركانه البركه والرزق يذيد مع لمة العيله كنا كلنا راضيين وبالحب متجمعين …صوره حلوه عشتها لما كنا صغيرين …بس ياخساره معرفتش اعمل زيها لولادي واحفادي اللي للدنيا طالعين .. البيوت اتفككت والخالات اتبعترت في الشمال وع اليمين والصلات اتقطعت بكلام مش بتعنا جالنا م الغرب اللعين وللاسف بقينا بيه عيشين جوه بيتنا كل واحد جوه عزله له حياته واهتمامه باللي بره اغلي عنده من شقايقه المخلصين …كل فرد تشوف حياته يصعب عليك. كل واحد من ولاده كافي عينه جوه موبايله حتي ماقال لأبوه أو لأمه
كل عام وانتم بخير….
