كلام في الصميم حيخدنا لناس ..وناس نبتصرخ من سعر البطاطس وناس بتحجز حفلة عمرو دياب مش مهم… المهم إن يخرج عليك ناس ثانيه خالص تقولك ماالشعب مبسوط اهو وبيححز حفلة عمرو دياب …بطاطس ايه بقه اللي بتتكلموا عنها …الناس دي هي اللي بتشعلل النار في القلوب ..!!!! ليه عشان يامولانا دول مش الشعب .. الشعب نصه موظفين من اللي بيقبضوا الفين ولا ثلاثه ولا خمسه بالكتير واللي تحول يوم القبض بتاعهم ياحرام ليوم الدفع مابين فواتير كهربا ومياه وغاز واقساط مدارس وجمعيات ….ولا نزلة نحط في الثلاجه حبة حاجات اثنين كيلو لحمه وفرختين عقبال آملتك وبالكتير حبة جبن اما الفاكهه ملهاش نصيب بالكتير كل اول شهر مره للعيال صنف واحد ….هما دول الشعب وشويه منهم شقيانين نجارين علي ميكانيكيه وسباكين وسواقين ودول مطربينهم معروفين اوكه واورتيجا مسمعين …. يبقه باقي مين ….حبه كده صغننين في العدد مش في المقام ياصاحب الغفوه يامسكين هما دول جمهورك اللي تقصده مالهم دول ومال البطاطس والطماطم ياحزين …. زي ماقولت لك في كلام في الصميم….في ناس …وناس…..ودول عايشين ودول راضين …..ابعد انت واللي زيك عنهم …ومتولعش النار في الهشيم
سهام مندور تكتب///// كلام في الصميم
