[ad id=”1177″]
بقلم :رامي العشري
حديث بالعافيه لاهل بلدي
بمناسبة إننا بنزيد مليون شخص فى اقل من سنة دعونى أعلنها صريحة وضيحة..انتوا مابتجيبوش عيال برزقها عشان تخلفوا بالاربعة والستة والتمانية..
ولا بتولدوا عيال شبعانة ونضيفة ومتعلمة وخالية من الأمراض وساكنة فى بيوت حيطانها لولى ومرجان.. العيال مابتجيش بخاصية الصرف الآلى.. العيال بتيجى بمصاريفها الكتير والكتير جدا..
ولادة وتغذية وسكن ونضافة وعلاج وتعليم وغيره..
[ad id=”1177″]
بتخلفوا بأعداد مرعبة عشان تجيبوا عيال مُتَقَزِمة بسبب سوء التغذية..
جاهلة بسبب تكدس المدارس.. مريضة بسبب عمالة الأطفال.. متهانة بسبب سكنها الغير آدمى.. بتجيبوا عيال كتير عشان يتربوا فى حرمان مادي ونفسي عاطفي.. بتجيبوا عيال كتير عشان تشحتوا بيهم أو عليهم.. أو ترموهم للشوارع اللى تنتهك فيها برائتهم وتحولهم لمجرمين.. بتتباهوا بكُتر العيال قدام مين؟!.. قدام الشحاتين والبلطجية وأرباب السوابِق؟!
(ملحوظة: اللى حايجيب سيرة الصين والهند يا ريت يقرا الأول عن الصين وقانون الطفل الواحد والعمالة وشروط الخدمات وسياسة البطش اللى خلت كل مواطن يمشى على العجين مايلخبطهوش.. وكمان يا ريت يراجع معدلات الفقر فى الهند وعدد الاطفال اللى بيموت من سوء التغذية..
[ad id=”1177″]
