بقلم /مني مصطفي
ده طريق ملكي بيربط ما بين معبد الأقصر و معبد الكرنك طوله 2700 متر كان بيستخدمه ملوك مصر القديمة في الاحتفالات والطقوس الدينية الطريق وقتها كان له اسمين الاول (وات نثر) يعني طريق الرب و (تا مي رهنت) يعني طريق الكباش وده لأن الطريق كله مزين بتماثيل على هيئة كباش في وضعية ابو الهول والكبش هنا بيرمز للاله امون
الطريق كان مردوم تحت الارض و أول مين اكتشف الطريق ده كان الدكتور زكريا غنيم سنة 1949 كان بينقب و عثر على 14 كبش وبعدها دكتور محمد عبدالرازق في الستينات عثر على 64 كبش و سنة 2002 دكتور محمد الصغير توصل الى ان ده طريق كامل طوله 2.7 كم مزين بـ1200 كبش وقدر يحدد مسار الطريق لكن أغلبه كان تحت الارض وفوقيه نجع (أبو عصبة) مبني عليه وعشان يتم أزالته ده عايز أراده سياسية حقيقية
وفضل من وقتها احياء طريق الكباش مجرد حلم لحد من سنتين ما رجع المشروع للنور من تاني وفعلا تم إزالة مئات المباني من النجع بيوت و مساجد و كنايس و مباني حكومية ، الطريق خرج للنور من تاني و الكباش اترممت والشهر الجاي هيتم افتتاحه في احتفالية مهيبة ??
#تحيا_مصر_ ???
