بقلم.. هلال البنا
،،،،،،،،،،،،،،،،،،،،،،،،،،،،،،،،،،،
هاتقدر تجاوب وتنهي السؤال
إجابه بدليل ومين إللى قال
وفين الحرام وفين حلال
وظالم بتمدح فى ظلمه إللى طال
وقاضى ومعجب بحكمه إللى مال
وميت بتلعن فى دمه إللى سال
وطافش وبينك وبينه المحال
هاديك الإجابه وفين السؤال
…………………. ؟؟؟ هاتقدر
هاتقدر تجاوب وتسأل سؤال
وتنشر حقايق وتكتب مقال
وتعلن دلايل عن كل إللي مايل
ومين إللي عامل ومين اللي قايل
لسانك حصانك بيعمل عمايل
وظلمه إللي طالك في لوي المسائل
وستر الحقايق ومكر المظالم
ومين اللي قاعد ومين اللي راحل
………………………..؟؟؟ هاتقدر
هاتقدر تشاور في مين اللي كاتب
ومين اللي صو ور في عرض الحبايب
ونشر العجايب في كل إللي غايب
وهتك ومصايب وربي إللي غالب
وستر المعايب للندل إللي عايب
وكتم المصيبه ونشر. الغريبه
ومين اللي أخطأ. ومين اللي صايب
…………………… ؟؟؟ هاتقدر
هاتعرف تجاوب وتقدر تقاوم
وتعمل إيجابه ترد عالسؤال
وفيها إيفاده بتقل الجبال
أظن إنت فاهم نتيجة الكلام
إيجابتك ها تبقى حلال وحرام
وممكن يكون في طريقها الظلام
ويمكن يموت بسببها الحمام
ويمكن إيجابتك تجيب السلآم
خلاصة الحكايه وآخر الكلام
…………………. ؟؟؟ هاتقدر
خلاصة الحكايه وآخر الكلام
هاتقدر تجاوب وتنهي السؤال
تقول او تشاور وتمحي الضلام
إيجابه بدليل ومين إللي قال
وفين الحرام وفين الحلال
وحلو الحلال وقبح الحرام
هاتبقى الإجابه دليل الغلابه
وتبقى السعاده جواب السؤال
هاتقدر ؟؟؟………………….
بقلمي هلال البنا
هاتقدر…..
