وداع يا عمري
اللي إندفن جوايا همسه
وداع يا قلبي
اللي إتحرم ينده بأسمه
كده سبت حضني هان عليك
يا قلب ماما ..
وشموع عينيه إنطفت
في بحور غيامه
ما خدت ضحكي وفرحتي
لأحزان سنين ..
ما الورده فاتها عطرها
هتعيش لمين ..
بحنانها تروي غصنها
يكبر يلين …
وإحساس تماللي يقولها
فرحك قصير ..
وفجأه لبست حزنها
بأوجاع آنين ..
ده انا لسه حضني ما أكتمل
ما شبعش منك ..
وباقي عمري إندقن
بالقرب منك ..
كان نفسي أشوفك
يا إبن عمري وأودعك
وابوس خدودك
خااااااااااااايفه
دمعي يوجعك ..
غرقان يا قلبي ايه اللي صابك
تنسى ماما ..
تعالى يا عمري
قلب ماما بيناديك
قدرت تبعد عنها وهي اللي ليك
أيام وعديت اقوى مني
استنى فيك ..
يا ريتني يا أبني كنت أقدر
إني أجيك
وحضني ليك طوق نجاتك
واموت عليك
وداع يا عمري اللي إنتهي
ايام وأجيك …
بقلم .. صبري رسلان
تعالى يا قلب أمك
