الكلمة الطيبة
كتبت /الاعلامية مها الكتبي
– الكلام الحِلو بيفرق جدًا ، قادر يغيّر
نفسيتك من شخص مُكتئب لشخص مُبهج ، يخليك تبتسّم من غيّر سبب ، الكلام الحِلو بيطبطب على القلب ، بيفتح النِفس ويخلى أفكارك إيجابية جدًا ، متبطلش تقول كلام حلو لأى شخص ، حقيقى بتفرق لما تشوف شخص لابس حاجة جديدة وتقوله إنها جميلة عليه ، وقتها هيحب الحاجة دى وهيحب نفسه ويحبك أكتر ، لما تشوف شخص عمل حاجة مهما كانت تافهه بالنسبالك بس لمُجرد إنك تقوله قد إيه إنها حاجة عظيمه هتفرق معاه وإن كلامك ده كان تقدير لتعبه فيها ، لو مش هتقدر تساعد إللى قدامك بأى شئ فـ كفاية إنك تحاول تساعدة معناويًا بكلام لطيف ، فى أشخاص كتير إنتحرت لمُجرد إنها ملاقتش إللى يسمعها أو يحتويها حتى بكلمة أو بحُضن ، فـ سيب أثرك فى كل شخص ولو بكلمة حِلوة وهتتفاجئ بشعور السعادة من غير سبب هتبقى مبسوط لوحدك من غير أى موقف حصلك ، علشان ربنا هيجبر بخاطرك بسبب أثرك إللى سيبته فى قلب كل شخص ? !.
لا تحبس الكلام الطيّب في قلبك
ولا تكتمه عن أحد ،
امدحُ من يستحق
وأشكر من أسدى لك معروفًا
وقل خيرًا للجميع ،
فبعضهم يستمد سعادته من كلماتك ،
وبعضهم يصنع منها تفاؤله .
لا تبخل فالكلمات مصانع للسعادة والأمل والحبّ ، ولكل شيء جميل . .
وقد تغير مسار يوم أحدهم بكلمة طيبة زرعتها
فى قلبه فنَمتْ وأورقت وأثمرت نجاحًا ؛ .
الذين إستيقظوا وقلوبهم لاتحمل
إلا الحب والإحترام لمن حولهم
،، أسأل الله لي ولكم ،،
فواتح الخير وخواتمه ،،
أوله وآخره ،،ظاهره وباطنه ،،
والدرجات العلى من الجنة
( يقول الحسن البصري
تواصلوا مع أصحابكم..
فالصاحب الوفي مصباح مضيء،
قد لاتدرك نوره إلا اذا أظلمت بك الحياة أدامكم الله مصباحاً ينير الحياة
– اللّه قال ” وَقُولُوا لِلنَّاسِ حُسْناً “ !
– النبى قال ” الكلمة الطيبة صدقة “ !
وكل عام وحضراتكم بخير…….
