ننشر لكم وبث حي لتسجيل صوتي لشهادة مشرفه الدار اللي صورت فيديوهات تعذيب اطفال دار الرشاد في الاسكندريه لتحكي فيه عن معاناة الاطفال داخل الدار … ضرب و اهانه و جوع. وكانت المشرفه قبل نشر الفيديوهات ذهبت لمدير الدار و صاحب الدار و زوجه صاحب الدار بلا استجابه …. فقررت تنشر فيديوهات اثار الضرب علي الاطفال يمكن يصعب حالهم علي أحد و يرد لهم حقهم من المشرفه اللي بتعذبهم بالشكل ده.
و كالعاده تم فصل كل المشرفين اللي صوروا او نشروا فيديوهات التعذيب و تبقي في الدار المشرفين اللي عذبوا الاطفال و اللي اهملوا في حق الاطفال وعملوا معهم فعلتهم . …
ومن المحير في الامر ما سمعنهاه من شهود عيان كالتالي :
” نفسنا نعرف بتعملوا دور رعايه ليه لو هتبهدلوا الاطفال بالشكل ده … ايه الفرق بين دار رعايه بتبهدل اطفالها و بين اننا نسيب الاطفال لكلاب الشوارع … والله يمكن تكون كلاب الشارع ارحم ! و اخيرا … لو المشرفه دي كذابه (بالرغم من وجود اثار كف واضحه علي وجه الطفل المنشور في الفيديو و دم داخل الاذن) يبقي مين اللي بيضرب الاطفال بالشكل ده … حاسبوه … فين الاداره … فين الرقابه … ليه بتعينوا ناس ليس لها علاقه بتربيه الاطفال من الاصل !!”
