الرئيسية / المزيد / المرأة والجمال / ضل حيطه ولاضل راجل………..

ضل حيطه ولاضل راجل………..

[ad id=”66258″]
بقلم/مى يوسف
ستات كتير جدا لبسين دبل فى ايديهم بس مفتقدين السعادة فى قلوبهما الست هي اكتر حد فى الدنيا دي صبور الست ممكن تستحمل حاجات كتير انت كراجل عمرك ماهتستحملها بس احيانا الست بيجي عليها وقت وبتضعف وضحي بنفسها عشان حد تاني وغالبا اي ست ياا اما بضحي عشان ولادها او اهلها اوقات كتير بنلاقي فى بنات بتقبل اي عريس يتقدملها ودا عشان تتخلص من لقب عانس اللي بتشوفوا فى نظرة عيون اهلها فى البيت والمجتمع اللي حوليها واحيانا برضه بنلاقي ستات مطلقه وبمجرد مايتقدملها عريس حتي لو كبير فى العمر ومكحكح وهي لسه فى العشرينان بتوافق تتجوز عشان تهرب من لقب مطلقة اللي بيطاردها فى حياتها
[ad id=”1177″]
واحيانا بنقابل ستات مطلقه ومعاها طفلين واهلها بيضغطوا عليها تتجوز راجل تاني مخلف ومطلق برضه بس عايز جارية تربي عياله وبيحصل فعلا بتروح تتجوزوا وبتسيب عيالها غصب عنها وتربي عيال غيرها واحيانا بنشوف ستات عايشه حياه زوجية تعيسة مع راجل مش بيقدرها او راجل نسوانجي او راجل عاطل مبيشتغلش او راجل شكاك اوبخيل اوبيضربها ومع ذلك مستحمله ومكمله برغم ان الزوج اللي عايشه معاه بيستهلك حياتها وروحها وشبابها كل يوم لكن بتيجي تقولك ضل راجل ولا ضل حيطه للاسف دي مقولة اجدادناا اللي ضيعت حياة اجيال كتير من البنات والستات المقولة مش بس حافظنها لا احنا كمان بنطبقها فى حياتنا بالحرف لحد ما وصلنا لاكتر مجتمع فاشل فى العلاقات الاجتماعية والزوجية احنا مجتمع الحياة الزوجية فيه بتتلخص فى ليلة الخميس احنا مجتمع الحياة الزوجية فيه راجل وست عايشين تحت سقف واحد ومش فاهمين بعض كل طرف فيهم مش قادر يحتوي التاني كل واحد منهم دماغه فى سكه غير التاني ومع ذلك مكملين عشان العيال اللي بينهم وللاسف العيال دول بيطلعوا معقدين نفسيا من كتر الاحداث والصرعات والخلافات والمشاكل اللي عاشوها لحظة بلحظة مع ان احيانا الانفصال بين زوجين الحياه بينهم اصبحت مشتته افضل بكتير من انكم تطلعوا اطفال مرضي نفسيا للمجتمع …….
[ad id=”1177″]
المطلقه والارمله عيالها بيطلعوا مهندسين ودكاتره وقامات مشرفه للمجتمع برضه وبيتربوا احسن تربية ومن غير ضل راجل ……. اوعي تفتكر ضل الراجل هيسعدك ولا هيحميكي ولا هيسترك احيانا كتير ضل الراجل دا ممكن يكون حمل عليكي وعلي ولادك ونقطة سوده فى حياتك ضل الراجل احيانا ممكن يحول حياتك لجحيم وتعاسه ضل الراجل احيانا ممكن يخليكي تفقدي انوثتك وشبابك وجمالك ويفضل يشيلك فوق طاقتك لحد ماتكرهي الدنيا باللي فيها عشان كدا اوعي تقبلي بضل راجل مهما حصل معاكي لانك لوحدك اللي هتدفعي الثمن ….!!!
Facebook Comments

شاهد أيضاً

مصممة الازياء التونسيه إبتسام الفيلالي ورؤية لاحدث تصاميمها

Facebook Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *