بقلم …..الشاعرة شيماء خليفة
تقول تعالى يا ابنى عاوزاك
تبقى جنبى
ترفعني وقت الشده ديا
وتشيل همى
تاخدينى جوه حضنك ايوه
انتى امى
**************
دى مصر بلدى جوه قلبى
دمها غالى
تشوفنى بتألم فى ليل
بتهدى حالى
تحضنى لما اكون وحيد
تسألني مالى
يا غاليه أما احس حبك
نبض عالى
**************
دم الشهيد لما يسيل
ع الارض دره
بقول بعلو صوتى انتى
تعيشى حره
ارفع لعلمك فوق جبينى
الف مره
لو عدى يوم اى حدود
بيمشى بره
***********
ننشر معاكى رمز الحب
والسلام
لو مهما قولت مش هيكفينى
كلام
على اسم مصر حبيبتى خلاص
مافيش ملام
