[ad id=”1177″]
صعيدي وساكن بحري وبرد علي مسئول……
يامجبل خليك وأصل حتي السد في أسوان…..
هتجيلك منه رساله معبايه في ظرف جواب…..
وهترجعلك تاني سلمها لنهر النيل….
هيجبها معاة ماهو جايب من عند الخال أشعار…..
جايب مواويل وأغاني ابنودي قناوي أصيل…..
من بلد الشاعر دنقل ابو شعر ملوش مثيل…..
وهناك هتلاجي مزارع واقف علي شط النيل …..
بعدية قفط وسوهاج بشويه بلدنا فيها رفاعه جوز أختي وأولادها الصغير وخليل……
حلوين باللون الأسمر ودا لون عكر النيل …..
الأقصر هتلاقي ابو الحجاج ساكن في البر الغربي…..
وشمندي راكب حنتور بيجابل سياح عاشقين لجمال حضارة بلدي….
[ad id=”1177″]
مش عاوزة كلام ياشمندي ….
الأقصر فيها الطيب شيخ الأزهر ياجميل ….
حلفتك تاني يامجبل حودلي علي اسيوط …..
وسلملي علي شنودة وكمان بطرس وسمير ……
سكنهم جنب الجامعه اللي حدا الجامع علي طول ……
اسيوط بلد ابو ناصر وسيدي جلال الاسيوطي بطوله وعلم ودين ….
ولوجيت بالصدفة المنيا جيرانا هناك كتير ساكنين جنب الفولي ..وسويرس وغبور …
أسئل هناك في الجامعه مين يطلع الجندي …..
ومين خلاه يتحدت بكلام مش موزون….
مش عارف ايه العيبة…
ياريس…..
إحنا صعايدة منارة وعلم ودين ….
علمنا كل الدنيا أية يعني حضارة أية يعني اصول …..
العيبه ما تطلع منا وبرد علي المغرور ….
ودي مصر الغاليه بلدنا عيب منك يا مسئول…..
أنا شاذلي دنقل وساكن بحري وبرد علي المسئول……
[ad id=”1177″]
