الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

الكراسة بها سم قاتل

- Advertisement -

[ad id=”10069″]

بقلم يارا احمد

اسمحوا لى فى البداية أن أستخدم فى هذا المقال اللهجة العامية لأنى أتكلم بلسان حال الفئة المقصودة وهي الغالبية .
الفئة التى أكن لها كل الإحترام والتقدير .
نبدأ فى موضوعنا:

أول ما سمعنا عن الأدوية الفاسدة التى تصنع باشراف مصدر مجهول غير متخصص أو بالمسمى الدارج “أدوية ما تحت السلم”
كلنا أنزعجنا جدا والكل أخذ احتياطه لدرجة إننا قبل ما نشترى الدواء من الصيدلية بقينا بنتأكد من تاريخ الإنتاج والصلاحية

[ad id=”10069″]

ودا سلوك ممتاز

لكن الغريب بقى حضرتك ليه منزعج أوى من تصنيع تحت السلم ليه؟؟؟
دول ناس وعايزين يأكلوا عيش ما تسيبوهم وشجعوهم يا مجتمع واشتروا منهم ليه بتحاربوهم أوى كدا؟؟؟!!
هم عايزين يعملوا مشروع ويكسبوا إيه المانع؟؟طالما معاهم فلوس ومكان يعملوا فيه مشروعهم دا ؟؟!!!

طبعا الكلام غير مقبول صح؟؟ وأكيد حضرتك مستنكر الكلام جدا
تمام جميل جدا ….
طيب ليه الاستنكار دا مش بنلاحظه على حضرتك وأنت بتسجل طفلك بردو فى حضانة تحت السلم؟؟
أيوة والله تحت السلم…
لإنهم بردو توفر معاهم فلوس ومكان ومعلمة ما شاء الله صوتها يسمع البلد كلها وعصاية وسبورة وإديها تعليم !!!!

تعليم تحت السلم لا يقل خطورة عن دواء تحت السلم زيه زي الدواء اللى خوفت منه لإنه متصنع تحت السلم !

طيب ليه بتقولى كدا ؟؟دا الواد بيقول أ،ب والدنيا زي الفل؟
هقول لحضرتك ببساطة المشكلة ليست عندك كأب أو أم وبس المشكلة فى غياب الوعي !
زي ما حصل كدا مع مصانع تحت السلم ومنتجاتها والخطورة الناتجة عنها كان واجب التوعية بردو على تعليم تحت السلم
لإن زي ما المرض خطر بيهدد المجتمع بردو الجهل خطر بيهدد المجتمع

[ad id=”10069″]

جهل ايه يا أستاذة؟؟!! أنت م واخدة بالك بقولك الواد بيقول أ،ب والدنيا فله
ما هي المشكلة فى أ،ب إزاي اتعلمها وازاي بيتعاملوا مع طفلك والمكان اللى بيتعلم فيه غير مناسب بالمرة

طيب أعمل إيه ؟؟أقعد الواد جنبى وخلاص ؟!
هقول بدون تفكير ….لا طبعا

بس الحل العملى هيكون ببساطة فى عنصرين :
الأول:
ودا بيمثله الطرف الإدارى المشرف المتابع ودى مسؤولية المتخصصين

*توفير المكان البديل وقرار ملزم بالمتابعة والاشراف على جميع الحضانات حتى لو تحت السلم
وقرار ان شرط قبول الطفل فى المرحلة الابتدائية يكون معاه شهادة رياض أطفال من جهة معتمدة زي الحضانات الخاصة التابعة تحت اشراف الحكومة او الحضانات التابعة للحكومة الملحقة فى المدارس .
الثانى :
يتمثل فى حضرتك لما تسجل طفلك فى حضانة لازم على الأقل تشوف المكان وتمر فيه كويس جدا على
على الأقل لو التعليم غير جيد ولا يدرس بكفاءة ما يبقاش مرض وجهل .
ولازم تشوف المعلمة هل هي متخصصة أم لا

نداااااااااااااااااء هااااااااااااام
احذروا حضانات تحت السلم ….فالكراسة بها سم قاتل

- Advertisement -

قد يعجبك ايضا
اترك تعليق

يرجي التسجيل لترك تعليقك

شكرا للتعليق