[ad id=”10069″]
الغربية …عبده البربرى
بكلمات شجن حزينة استطرد المواطن /فتحي عبد العزيز عبد الكريم طيب من طنطا كلامة متاثرا حيث قام بعمل محضر رقم ١٣٦٦٠ قسم ثاني طنطا انا رحت مدرسه الشهيد علي عفت في شارع توت عنخ آمون بطنطا الساعه 10:50 يوم 16/5/2017 وطلعت المدرسه وكنت قافل الفسبا بالمفتاح وراكنها في جنب الفسبا اتسرقت الساعه 11:27 بتايمر كاميرات التصوير التى في الشارع انا اكتشفت السرقه الساعه 11:30 رحت جريت علي عسكري المرور وقولتله وبالصدفه كانت عربيه دوريه واقفه ركبت معاهم ورحت مكان ما كانت الفسبا مركونه بصو هناك وخدوني القسم عشان اعمل محضر بالسرقة رحت عملت محضر رقم 13660 في قسم تاني طنطا بسرقه الفسبا نمر الغربيه رقم ٤٣٠٩٤ وبعد كده رحت للمحلات ال في الشوارع عشان ارجع الكاميرات طبعا محدش وافق انه يرجعلي الكاميرات الا بعد محاولات رهيبه تقدر تقول كده بعد ما صعبت عليهم وبالفعل لقيت الكاميرا مصوره الأشخاص ال أخدو الفسبا وهما اتنين معاهم فسبا لونها احمر ظاهرة في الصوره والراجل ال لابس قميص برتقالي نزل ركب الفسبا بتاعتي والتاني مشي ورآه وكل ده في عز الظهر طبعا اخدت الصور وطلعت جري علي رئيس المباحث النقيب /احمد الحجار شاف الصور وقال العيال دول معروفين انا قولت الحمد لله يبقي هيجيبهم ويجيب حقي وعدي يوم واتنين وتلاته وعشره ولا اي حاجه حصلت وبالصدفه وانا راكب ميكروباص الصبح كنت رايح المدرسه شفت الناس ال الكاميرا جيباهم وقفو العربيه ال كنت انا راكب فيها واخدو فلوس من السواق زي اتاوه كده كنت شاكك في شكلهم نزلت من الميكروباص وفضلت واقف وصورتهم ورحت جري علي القسم قابلت الظابط النبطشي مكان احمد باشا قالي بالحرف بص يبني عشان منلفش حوالين بعض روح هناك مكان ما شفت العيال دي لو لقيتهم هناك رِن عليا واداني رقم تليفونه———
[ad id=”10069″]
وانا خارج اخدت رقم المخبر ال واقف علي الباب قالي رنلي بس واحنا هنجيلك قولت ماشي رحت بالفعل ولقيتهم هناك وكلمت الظابط قالي انت فين بالظبط قولتله قالي ماشي جايين اهون وقفل فضلت واقف ساعه ونص وانا واقف وعمال ارن لحد ما مشيو رحت القسم عايز أقابل اي حد لقيت امين شرطه بيقولي انت مش عملت محضر عايز اي تاني قولتله شكرا مش عايز حاجه سيبت القسم وطلعت علي مدير النيابه في محكمه طنطا احمد بيه وقولتله ال حصل وانا معايا الصور قالي انت عايزني اعملك اي انا مبتعاملش بالصور هاتلي اسم الراجل الي في الصور ده وانا اعملك ليه ظبط وإحضار قولتله شكرا يا باشا رحت مديريه الأمن وحده المباحث وقولت للظابط كل ده قالي روح القسم ال انت عامل فيه المحضر انا مقدرش أفيدك طب اعمل اي انا اروح فين تاني قلولي اعمل اي يا جماعه دي الصور لذا استغيث بالسيد اللواء مساعدالوزير مديرامن الغربية طارق حسونة بان يجد حلا لمشكلتى فى قسم ثانى طنطا وحضور المتهمان وتسليم الفيزبه لى جعلكم الله عونا لنا فى الخير
