الغربية … أسماء شريف
بعيدا عن ديانتهم وكونى لا أوافقها
بعيدا عن ثقافتهم وكونى لا أرافقها
لكن يارب دول من طين ولحم ودم زيى تمام
بيبتسموا فى يوم العيد وتسمو بروحهم الأحلام
نقابلهم بإسم الله يقابلونا بالله سلام
مفيش ما بينا أى فروق كما بتقول لنا الأفلام
بيجمعنا وطن واحد حصيره وبيت وسقف جريد
بناكل من طبق واحد وعيش مليان زلط وحديد
وبنعيط سوا دايما على اللى يموت بطل وشهيد
مضاقتش الحياه بينا ولا هما فى يوم ملوا
فوالله مايستاهلوش يموتوا وهما بيصلوا
فوالله ميستاهلوشي يموتو وهما بيصلوا
