الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

بدون فواصل

- Advertisement -

بقلم/احمد صبري

هما اولى بكل حاجة
يسرقوا الكحل من العين
ولو ع الناس المحتاجة
اعلى نسبة مشاهدين
كله فل مافيش حاجة
علشان هما مثقفين
واللي ماسك كل حاجة
غير اللي نام تحت السنين
إنبطااااح
يا شمس عداها الصباح
إنشراح
مقتولة من رحلة كفاح
ليه متاح
كل الحقايق تتسجن
ويندفن
دوا الجراح
وتبات العلة مكبوتة
في حدوتة
هما قالوا هما فعلوا
هما عارفين التوتة
هما ناس مخلصين
عندهم كل السكك
تيجي فلتة تيجي غلطة
تيجي كبسة تمسكك
يبقوا فعلا اْدرى منك
هما عارفين سكتك
يبقى تفهم غصب عنك
إن كلمة
تسكتك
خلاص سكوت
إسكت إنت عشان تفوت
واللي متغطي بخياله
غير اللي عنده
3 بيوت
لما تتشرد عياله
بعد ضربة فيها موت
اللي عنده الف معدة
غير اللي طول السنة
بيصوم
اللي عامل كفه مخدة
وبيتوجع كل يوم
المشاهدة
بدون فواصل
هما ناس متاْسسين
وانت ماشي بدون مفاصل
وكل دول متكسحين
تنسحب ولا تواصل
البحر غدار
مش امين
اللي كافح واللي ناضل
بص شوف بيروحوا فين

- Advertisement -

قد يعجبك ايضا
اترك تعليق

يرجي التسجيل لترك تعليقك

شكرا للتعليق