الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

سهام مندور تكتب// كلام في الصميم ….

- Advertisement -

سكن مصر مشروع عملاق مفيش كلام بيساهم اكيد في حل ازمة الاسكان وبالتحديد حيحقق حلم كل اللي نفسه يعيش في العروسه المرغوبه القاهره الجديده ذات المهور الغاليه والاسعار العاليه بس عندي سؤال للساده المسؤلين والحقيقه توجهت بيه للمختصين رئيس جهاز مدينة القاهره الجديده المهندس الفاضل عادل النجار وسؤالي كان ايه ؟ ليه كل العماير جاهزين والتشطيب عالي وجميل وحتي التشجيير فيه شغالين ومسلسل ٨ مهموم وحزين ومبانيه مش كاملين وع الطوب الاحمر واقفين والساده الحاجزين دموعهم سايليين عشان شايفين جيرانهم علي وشك التسليم وهما حزانا ومحرومين قالي الباشا المسؤول طمنيهم وقوللهم أن اللي كان ماسك مسلسل ٨ تغمدته رحمات الرحمن ولله وحده الدوام ….بس احنا مش ساكتين ورفعنا قواضي لرد العماير من ذمة المرحوم وأن شاء الله حنطرح مناقصه وترسي علي مقاول من المقاولين ونكمل المشروع ويستلم الساده الحاجزييين ويحينا ويحييكم رب العالمين وانا من موقعي هذا بحي الساده المسؤلين وببكي مع الباكين علي كل مشروع رائع وعظيم واقف علي رجل واحده والثانيه مرفوعه من الخدمه لتباطئ الاجراءات وتعسر الخطوات واسمه ايه اللي مات وحنفرح قريب ياعم فرحات …وإن شاء الله نفرح جميعا وقريب نبل الشربات بعودة الروح لعض المشروعات اللي المواطن ملوش ذنب غير انه صدق كلام علي ورق إن لاستلام في ميعاده بالتمام وقطع من اكله وفسحته وهدمته ودفع الاقساط عشان يسكن في حلمه اللي بات واقف علي رجل واحده عشان مستني شوية إجراءات كل التحيه لكل المسؤلين اللي عندهم همه وضمير وعلي مصالح الناس واقفين وكلامهم كله كلام في الصميم مع تحياتي….

سهام مندور

- Advertisement -

قد يعجبك ايضا
اترك تعليق

يرجي التسجيل لترك تعليقك

شكرا للتعليق