الرئيسية / عاجل / الشاعر محمد يوسف.. يكتب .. “إيد واحدة “

الشاعر محمد يوسف.. يكتب .. “إيد واحدة “

بقلم الشاعر والكاتب/ محمد يوسف
دور معايا
عاللى بيحبوا البلد. دور معايا
مصر محتاجة المدد .دور معايا
دور وميهمش عدد .دور معايا
لفيت كتير جوا الشوارع والزوايا
جوا الكنايس و الجوامع والنوايا
دور معايا ع النواية
تسند المدنة اللى مالت
تقطع الإيد اللى طالت
تنزرع فى أرض شالت
وارتوت بعرق شقايا
ارتوت بدموع ولايا
أو بأطهر دم ما بين البرايا
دور معايا
دور معايا
لو كنت بتحب البلد هات الصحاب
هاتلك سلاح ولا فاس.هاتلك كتاب
شيلوا اللي غيٓر فى ملامح أرضنا
شيلوا التراب
والعنوا الخونة اللي بينا والكلاب
ارسموا معايا علم
هاتوا كراسة وقلم
سطّروا تاريخ ينوّر للأمم

Facebook Comments

شاهد أيضاً

التعليم الفنى ودورة فى التنمية الأقتصادية

كتبت لولو موسى حاضر بها د/ أشرف يوسف محمد – أستاذ مساعد ملابس ونسيج المحاضر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *