الرئيسية / عاجل / فضفضه شومان مع الرئيس

فضفضه شومان مع الرئيس

عبدالحميدشومان
انا بافضفض ومتأكد اني هنام مطمن ومش هيجيلي زائر الفجر..
انا المواطن اللي قام من الفجر عشان الحق اقول صوتي وانتخبك انا اللي خرجت وانا راضي بكل الحب عارف ليه ياريس… لأنك منقذ مصر.. ايوه بجد عديتني من مشوار مكنتش عارف مصيري فين ولا عيالي مع الاخوان ياريس محدش أصيل من شعبك مبيحبكش… ولو قالها هقول كداب.. انا المواطن البسيط ياريس انا التعبان انا الشقيان ومش زعلان عشان راضي واقول بكره هتتعدل.. ياريس بجد مشاريع وإنتاج على الواقع مهوش اوهام.. هتفيد ولادنا وولاد ولادنا ونظرة بعيدة جيالنا بخير وسلام… مش بزايد ياريس بجد حبينك عارف ليه؟؟ لأنك مصري أصيل جريئ عمرك ما كنت جبان…

اعرفك بنفسي ياريس.. مواطن مصري زي زيك. لو الدنيا ساعدتني كان ممكن ابقى برضه رئيس ما انا مواطن ملفي نضيف.. لكن منك انا زعلان سنه ورا سنه ورا سنه بتتكي وانا مجهد ومش قادر اقول تعبان.. ضغط الحياه بيزيد والدنيا بتشيل وتحط فيه يمين وشمال والمعايش صعبه والله ياريس مفيش رحمه من الايام… و فخامتك ياريس محدد هدفك تنميه وبنا وإصلاح وانا قاعد باكح تراب ماهي العيشه مدايقه وانا بناطح مع الايام اكل وشرب وسكن وكهربا وميه وغاز وعلام.. ومواصلات وجشع تجار وانا راضي بقله حيله من ضعفي منش قادر…
عرفت انا مين ياريس؟؟
انا العامل انا البنا وانا السباك انا اللي بالواسطه جالي عقد من سنين وَمش عارف اتثبت.. انا مبيض المحارة والكهربائي والنحات انا الفلاح اللي ضاع حقه مابين الري والميه والجمعيه والسماد وبكيف الموظف يصرف وبكيف الموظف لا… انا الدبلوم اللي راح ذاكر احسن وضعي اسوي ومفيش فايده انا الشرطي امين شرطه ذاكرت حقوق لاترقي وقف حالي ياريت ما ذاكرت تمنيت يوم اكون ضابط لكن ما لحقت.. وقفت على تعيس الحظ.
عرفت انا مين ياريس؟؟
انا اللي محصل النور والميه يدق الباب اقوم اهرب وبنتي تقابله تاخد الكعب شهور كتير َمبدفعشي وفي الاخر باروح اعمل قرض او سلفه من جاري لحد لما تتعدل وانا صابر وصاحب الدين مش صابر ما هو حاله من حالي هيعمل ايه وفي الاخر دخلت السجن عارف ليه ياريس؟؟ رحت مضيت وجبت سلفه الجنيه بجنيه ومسدتش ماهي الديون بتزيد وانا بانقص في عين بيتي ومع جارى وَكل الناس…
وحيات حبيبك النبي ياريس نظره ليه ولغيري والدنيا مش هتقف..
معلش ياريس كان لازم اشرحلك وربك معاك يعدلها… ابني ياريس بس عليه متتكاش ومعاك ووراك ياريس عشان حبينك عارف ليه ياريس؟؟ لأنك منقذ مصر
نفسي أفضل اتكلم معاك بس متزهقش مني.. مش بأعك ولا باخبص على الوزرا سبب ديقي نازلين خنق خنق لما روحي طلعت التموين والكهربا والصحة والتعليم والتنميه… ولو جيت انا واحد من دول هروق مصر… وياريت ابقى كلهم.. ياريس بناء الإنسان اهم من الاخر نظرة تنمويه ونظرة مجتمعيه.
سير ياريس وربنا معاك وكل مصري أصيل معاك.
تحيا مصر وشعب مصر ورئيس مصر وجيش وشرطة مصر..

Facebook Comments

شاهد أيضاً

محافظ الغربية .. إزالات حالات التعدى ومخالفات البناء مستمرة

وجدى الغريب … أصدر اللواء مهندس هشام السعيد محافظ الغربية توجيهاته المشددة لرؤساء المدن و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *