الاعلاميه ايمان صلاح تكتب..الأمان..إنك تحسبها صح !!

ممكن تكون كلمة بسيطة لكن جواها معاني كثيرة …
تفتكر إيه هو الأمان بالنسبة ليك ؟؟؟؟
كل واحد فينا شايف الأمان من وجهة نظره هو وبس ،،،، ممكن يكون فلوس ، منصب ، عيلة … كلها حاجات مادية ملموسة رغم إن كل دا ممكن في لحظة يزول !!!!

الأمان : هو إنك من جواك تكون مطمن ، مرتاح ، راضي ، مؤمن إن لو حتي مش عندك كل حاجه أو أي حاجة فإنت عارف وواثق إنك في حماية ربنا ..
إن مُقدر ليك كل حاجه هتمر بيها لأن ربنا اللي كاتبها ليك ،،،،

إنك تكون راضي بكل حاجة ربنا بيعملها عشانك لإنه أكيد بيحبك ، حتي لما بتعصاه وبتغضبه تخيل برده بيحبك …. لما الأم بتغضب علي إبنها وتزعل منه قلبها برده بيدعيله ولو وقع هيا أول حد بيسنده ،،، تخيل بقي إن ربنا أحن عليك من الأم !!!

الأمان عمره ما كان بالناس واللمة والعزوة والفلوس والمناصب ،،،، الأمان لما تكون قومت بواجباتك تجاه ربنا سبحانه وتعالي … لما تنام بالليل وإنتا مطمن وضميرك مرتاح … لما تصحي الصبح ويكون عندك أمل إن إنهارده أحسن من إمبارح …. لما تدعي ربنا وإنتا واثق إنه سامعك وحاسس بيك…
لما كل مرة بتغلط وربنا بيسترها عليك ..لما كل مرة بتقع وتلاقي اللي بيديلك القوة والعزيمة والإرادة إنك تقوم تاني وتكمل ..
لو عشت حياتك كلها في سعادة بدون أي مشاكل ،، أنصحك إنك تعيد حساباتك في علاقتك بربنا ،،
فالإنسان المؤمن إذا إبتلاه الله حمده حمداً كثيراً وإقترب أكثر من الله …
عشان كدا كلنا محتاجين نحس بالأمان أوي الفترة دي….
يلا بينا نراجع حساباتنا تاني والمرة دي نحسبها صح

Share on Facebook

Post on X

Follow us

Save