بقلم السعيد الحديدي
. ( القصيده بالعامية مع اﻹعتذار للفصحي )
الفصيدة ﻻ يقصد بها قضية بعينها وﻻكنها من خيال الكاتب
. سكوت……………………….. فتحت الجلسة
. القضية رقم ( 1 )
. لسنة ٢٠١٩
موضوعها 1- مطالبة بنفقة وأجر حضانة
وفرش وغطا وأجر مسكن
2- مطالبة بتسليم الجهاز
الشاكية – زوجة مسكينة سن 30 سنة
المشكو في حقه – الزوج سن 36 سنة
نادي يا حاجب ع الشاكية
“”””””””””””””””””‘
وقفت معاها تلات أوﻻد
وجوزها اترجل وطردها
بخيل علي البيت وعليها
وإماره — ديما بيهينها
معاه فلوس وكمان آدر
تطلب ويرفض يديلها
عامل عليها سي السيد
طالع وداخل يضربها
ديما علي اﻷهوة يوماتيي
أهمل عياله . وأهملها
للجوزة والشرب يبعتر
ويؤول دماغي بعمرها
مراته ست وبنت أصول
هوا اللي ماكانش راجلها
كانت تصلح مش راضي
سائت عليه كل شارعها
يؤول ياناس ليا دماغي
الشرب والكيف بوزنها
كمان محدش يغصبني
حياتي راسي . تنظمها
وف ليله راجع — متأخر
آلتله ليه كدا – فضربها
وآل لها أنا رجل البيت
بأعلي صوته – وشتمها
عند أبالها ركب راسه
حاولت تهديه – فطردها
طلعت باوﻻدها وبالليل
راحت ﻻبوها – بعيالها
سابها سنه وجمد ألبه
يؤول انا عمري مرجعها
بعت لها ملهاش حاجه
فلوس وﻻ حتي عزالها
حست بظلم وتعمل إيه
شكت لقاضي ينصفها
فى اامحكمة
وقفت — تعيط . بعيالها
القاضى ..
نادي يا حاجب علي جوزها
. “”””””””””””””””
الزوج وقف هادى وبارد
رامى ورا ضهره همومه
تبص له – تحسبه راجل
طويل أوي ملو هدومه
حاطت عباية علي كتافه
شنب مسبسب مبرومه
الناس تبص له تستغرب
من عملته الكل – بلومه
علشان مراته المسكينه
وهيه وعياله – خصومه
بمركبه من غير مجداف
وبحر مش أدره تعومه
