الرئيسية / عاجل / إنتصار حسين تكتب… جربت مرة

إنتصار حسين تكتب… جربت مرة

بقلم: انتصار محمد حسين
……..
جربت مرة؟….

……..
تشوف دمعةوسط الفرح

متخبية…..

جربت مرة ….

تحس الوجع جواك بيصرخ
بحنية …

جربت مرة….

تكون في عز شوقك طاير

وقلبك جواك مخنوق وحاير

جربت ؟
…….
جربت يكونلك جِناح

وفي بلاد الحبيب سوَّاح

طاير في سماه الصافية

شايل معاك فرحتك

ضامم عليه جناحك

مطمن معاه بعيشة دافية

وفجأة تفوق تلاقيك

غلبان ……

…….وعايشها بالعافية

جربت ؟

جربت قلبك م السعادة

ينادي عليك….

قوم افرح….

دي السعادة حواليك

جربت….

تسمع دقاته القوية

تقولك عيش الحنية

وانت مش سامع نداه

وتايه في كل اتجاه

جربت ؟

تعيش طول العمر متخفي

زاهد في الحياة

واقف علي ابوابها متخفي

ولايوم عرفت طعم الوجود

وكل يوم عايشها مفقود

جربت ؟

جربت منها تتفاجئ بالبرد

برياحه القوية

وانت بتعافر ونفسك

تعيش شوية حنية…

وحواليك تلتفت مااتلاقي حد
……..
مهما جربت ..

ومهما شوفت ..
……..
صاحب الجرح

وحده يتوجع……….

صاحب الجرح
صوته للعفي مابيتسمع
……وعجبي!

Facebook Comments

شاهد أيضاً

محافظ الشرقية يستقبل رئيس الهيئة العامة لقصور الثقافة

كتب / السيد عبدالعال… استقبل الأستاذ الدكتور ممدوح غرب محافظ الشرقية بمكتبه بالديوان العام الدكتور …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *