الرئيسية / عاجل / إنتصار حسين تكتب… هتقدر يا قلبي

إنتصار حسين تكتب… هتقدر يا قلبي

بقلم/ إنتصار حسين
……

هتقدر يا قلبي ع الفراق

و ازاي..

هتعدي ليالي الاشتياق

هتقدر يا قلبي..

تعيش العمر عن السعادة منفي
……
طيب…

هتقدر تداري الحنين

وازاي ..

هتعدي عليك السنين

هتقدر ..؟

تسبح في بحر الصبر

وتفوق متأخر

ويفوتك العمر

طيب هتقدر….

بعد الحب تُهجر
……
……
عيش ياقلبي وانسي

وابعد عن بحور القسوة

خليك ياقلبي في السما طاير

حُر ف حياتك ماتكونش حاير

كفاية إنك تكون سعيد

ولو لوحدك.. ويقولوا عنيد

مع الدنيا إعنِد وعيش الحياة

طول عمرك بتوعِد ومحافظ ع الوعود

ودايما يخالفوا… كل العهود

الدنيا إيه غير مسرح كبير

تماثيل تمثل بقلوب حجر

علينا تمثل الطيبة

وورانا تشتغل بالغِيبة

ويوماتي نلاقي خداع

وهموم كتير وأوجاع

فاكرين ليلة واتعدي

نلاقي معاهم عمرنا… ضاع

وتنزل ستارة الأيام

ويرحل الجمهور مع الأحلام

ويفضل يسقف الغلبان

قاعد هناك وكله حرمان

مستني لسة الفصل التاني

ودي مسرحية ماسخة

وبعد الغدر في إيه تاني

وشوش كتير فوق الوشوش

يقولوا القلب صافي…

وجواه الضمير مغشوش

علينا يعملوا ملايكة

بجناحاتهم البيضة ..

والنفوس كانها ..عايقة

وارواحهم مننا من جوة مدايقة

نروح فين وسطيهم

وكنا منهم وليهم

والله… ياناس…

تعبنا من قلةالإحساس

والله….

تعبنا والله يا خلق الله

آسينا والله من ظلم الحياه

اه لوبس يعرفوا النهاية

ماكانت للأسوة بدأت الحكاية

ماشيين فيها بقوة شمشون

وعيشونا في معبدهم الملعون

طول الحياة ندور علي روحنا

تايهين معاهم قوي يا احنا

ضلموا ايامنا في عز النور

وخطفوا أحلامنا بكل غرور

نروح فين احنا وسطيهم

وكنا طول العمر منهم وليهم

ياريتك ياقلبي تقدر

تحب وليهم تهجر

وتهاجر بقى وتروح

يمكن تنسي الجروح

ياريتك ياقلبي تقدر

تحب وع الدنيا تصبر…#

Facebook Comments

شاهد أيضاً

السعيد الحديدي يكتب … تحيا مصر

تحيا مصر بقلم/ السعيد الحديدي تحيا مصر تعيش يا رئيسها يحيا رجال الشرطة وجيشها مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *